أنت هنا

نجتمع ونصلي في البيت - سبت لعازر

 


 

نضيء شمعة ونجتمع كعائلة. بقول الأب أو الأم : اليوم عيد سبت لعازر، مين بعرف قصته؟ (يعطى مجال للأولاد ان يقولوا ما يعرفون)، يم يقول طييب خلينا نسمع القصة كلمة:

كان عند يسوع أصحاب، في قرية قريبه من القدس، اسم القرية بيت عنيا. أصحاب يسوع كانوا ثلاث اخوة: مريم ومرتا ولعازر. 

مرة مرض لعازر وخافت خواته انه يموت.

فبعثوا ليسوع شخص يخبره أنه صاحبة مريض كثير. وطلبوا انه يجي يسوع يزورو.

قام يسوع وراح لعند لعازر ومريم ومرتى.

لما وصل يسوع، كان لعازر صار مييت ومدفون في القبر . كان الكل حزنانين كتير وعم يبكوا، فبكى يسوع كمان.

قال يسوع لمرثى: "اخوك راح يقوم، لأنه انا القيامة والحياة واللي بآمن فيي راح يحيا".

وراح يسوع لعند القبر، وطلب إنه يرفعوا الحجر عن القبر. 

لكن كان في للعازر ريحة مش حلوة، فحط واحد كمامة على تمه وزاح الحجر عن القبر.

صلى يسوع وبعدين نادى: "لعازر اطلع من القبر"

سمع لعازر كلمة يسوع، وقام بعجيبة كبيرة

الكل فرح كثير بطاوا يبكوا لأنه لعازر عاش

( نعطي الأولاد الصور حتى يلونها)

بعد التلوين

نطلب من الجميع ان نجتمع ونصلي:

باسم الآب والإبن والروح القدس الإله الواحد 

آمين

يا يسوع متل ما شفيت لعازر وخليته يعيش هيك احمي كل العالم. لأنك أنتي بتحب الكل، وبدك انُّه هني يكونوا مبسوطين.

اليوم في عنا فيروس الكورونا. في كثير ناس عم يمرضوا وكمان بيموتوا.

يا يسوع ابعِدْ عنّا المرض واحمي كل يللي بنعرفهم ( نسمي أسماء الأقارب والأهل ونسأل اللاطفال مين بدكن انه يسوع يحميهن..)

الآب رجائي. والابن ملجائي. والروح القدس وقائي

فيك وضعت كل رجائي يا أم الله. فاحفظينا تحت كنفك

آمين